Katibu wa NEC-Itikadi Uenezi na Mafunzo wa CCM Taifa CPA Amos Makalla ameshiriki zoezi la kujiandikisha kwenye daftari la wakaazi kwaajili ya Uchaguzi wa Serikali za Mitaa kwenye Ofisi ya Serikali za Mitaa TPDC Kata ya Mikocheni Wilaya ya Kinondoni Mkoa wa Dar es salam.leo tarehe 16 Octoba 2024.

Akizungumza na wakazi wa Mtaa wa TPDC Mikocheni mara baada ya kujiandikisha CPA Makalla amesema zoezi la kujiandikisha katika daftari la kupiga kura ni muhimu sana na amefurahi kutimiza haki yake ya msingi ya kujiandikisha na ameridhishwa na utaratibu wa zoezi hilo.

Amewataka Watanzania bila kujali tofauti za kiitikadi kujitokeza kwenye zoezi hilo kwani ni muhimu katika kuweka msingi wa maendeleo ya wananchi.

Aidha Katibu Mwenezi huyo ameongeza kuwa CCM inaridhika na jinsi zoezi hilo linavyoendelea.