UWT Yampongeza Dkt. Biteko
*Mwenyekiti wa Umoja wa wanawake Tanzania UWT Mary Chatanda* amempongeza Naibu Waziri Mkuu na Waziri wa Nishati Mhe. Dkt Dotto Biteko kwa kuaminiwa na Rais Dkt Samia Suluhu Hassan na kuteuliwa katika nafasi hiyo ya uongozi.
Akizungumza leo wakati wa uzinduzi wa Maonyesho ya sita ya kimataifa ya Teknolojia ya Madini,Mwenyekiti Chatanda amewapongeza wanawake wachimbaji wa madini katika Mkoa wa Geita kwa kazi nzuri wanayoifanya katika kujipatia kipato chao cha kila siku.
Viongozi wa UWT Taifa wapo Mkoani Geita katika Ziara ya kikazi yenye lengo la kuzungumza na viongozi,wanachama,wanawake na wananchi kwa ujumla,kukagua ilani ya uchaguzi ya mwaka 2020-2025 pamoja na kutangaza kazi nzuri zinazofanywa na Serikali ya awamu ya 6,chini ya Rais wetu na Mwenyekiti wa Chama cha Mapinduzi Dokta Samia Suluhu Hassan.
